Sepak bola

 

Sepak bola iku salah sawijining olah raga sing paling kondhang ing sak donya, kalebu ing Nusantara. Sepak bola dimainaké déning loro tim, saben tim dumadi saka sawelas pemain, kalebu siji kiper sing tugasé njaga gawang supaya ora kecolongan gol. Tujuan utama permainan iki yaiku nggawa bal mlebu gawang lawan kanggo nggolèk gol lan menangaké pertandhingan.

Pertandhingan sepak bola lumaku 90 menit lan dipérang dadi rong babak, saben babak suwéné 45 menit. Yen kedadeyan wektu mandheg, kaya pemain tatu utawa VAR, wasit bakal nambah wektu tambahan ing pungkasan saben babak. Yen skor imbang, bisa ditambah wektu ekstra utawa penalti, gumantung karo aturan kompetisi.

Lapangan sepak bola lumrahé daun ijo utawa rumput sintètis lan dawané antara 90 nganti 120 meter, déné ambané 45 nganti 90 meter. Ana gawang loro ing saben sisih lapangan, sing digunakaké kanggo nyetak gol. Bal sing digunakaké lumrahé digawe saka bahan sintètis lan boboté antara 410-450 gram.

Sepak bola ora mung butuh ketrampilan dribbling, passing, lan shooting, nanging uga butuh strategi tim, kekompakan, lan ketahanan fisik. Saben pemain nduwé peran dhewe-dhewe, kaya bek kanggo pertahanan, gelandang kanggo ngontrol tengah lapangan, lan penyerang kanggo nyetak gol. Kiper nduwé tugas unik, yaiku njaga gawang lan mung dhèwèkan sing éntuk nyekel bal nganggo tangan ing area gawang.

Wasit sing mimpin pertandhingan bakal ngawasi lan njaga aturan main. Yen pemain nindakaké pelanggaran, wasit bisa menehi peringatan (kertu kuning) utawa kartu abang yen pelanggarané abot.

Sepak bola dudu mung olah raga, nanging uga dadi panglipur, ajang persaudaraan, lan budaya ing pirang-pirang negara. Ing Indonesia, sepak bola nduwé penggemar gedhé, lan klub-klub lokal kaya Arema FC, Persebaya, Persija, Persib, lan liya-liyané nduwé basis suporter sing fanatik.

Sepak bola nyedhiyakaké kesempatan gedhé kanggo para atlit, amarga bisa nambah prestasi lan ngangkat drajat ekonomi, utamane yen bisa main ing klub-klub internasional. Amarga iku, sepak bola tetep dadi olah raga paling disenengi ing sak ndonya.

Nama kontributor 

Kelas XII TKR 2

1.IRFAI TAUFIQIN(KETUA KELOMPOK)2.MAHENDRA DIMAS 3.EVANDRA 4.FERDIYANSAH EKO 5.GONZALENO 6.DURIYAN 7.HANIF ABIDIN